Bryne er snart tom for bingovertar. Difor stiller dagleg leiar på Mellombels opp som vert denne onsdagen. Med seg i kofferten har han 400 slips og mykje bra premier. Hovudpremien er sjøvsagt eit slips frå slipsveggen på Mellombels. Elles er premiane konsertbillettar til helgas konsert med Kvelertak + The Dogs på Bryne Mølle, fribillettar til kommande Mellombels-arrangement, frukt, gåvekort, møkkabønner og eit par overraskelsar.
Slipskongen har ein klar misjon om å få fleire til å gå med slips. Som ein bonus til alle deltakarane og eit ledd i planen om å slipsifisera verda vil alle som spelar bingo iført slips få utdelt eit ekstra bingobrett. Har du ikkje slips vil det vera mogleg å låna eit frå slipsveggen på Mellombels.